Fólk á fjöllum, fréttir & fróðleikur

Vertu memm!

Fjallakastið – Gönguskíðaleiðangrar

Siggi spáir í kortin

Í þessum níunda þætti af Fjallakastinu ræddum ég og Sigurður Ragnarsson, stórvinur minn og samferðamaður í fjallamennsku um gönguskíðaferðir og leiðangra. Siggi er sveitastrákur í húð og hár og eftir að hann kynntist fjallamennskunni fór hann frá því að ætla sér að verða bóndi yfir í það að ætla sér að verða fjallaleiðsögumaður á svipstundu. Sigurður uppgötvaði gönguskíði sem ferðatól ungur að aldri og langir leiðangrar fóru snemma að heilla hann. 

Gönguskíðaleiðangrar var okkar helsta umræðuefni í þessum þætti.

Siggi hefur ekki einungis verið að ferðast á gönguskíðum en hann hefur mikla ánægju af hvers kyns fjallabrölti hvort sem það er ís- eða klettaklifur eða fjallgöngur að elta kindur eða ekki.

Siggi hefur einnig starfað sem fjallamennskukennari og leiðbeinandi ásamt leiðsögn um nokkuð langt skeið og er hann núna í mastersnámi í Jarðeðlisfræði.

Í þessum þætti ræddum við að gönguskíðaleiðangra, undirbúning og ýmislegt fleira. En þar sem að slíkir leiðangrar virðast vera á plönum hjá mörgum, getur þessi þáttur vafalaust komið að gagni fyrir einhverja. 

Siggi á Vatnajökli
Siggi í tjaldbúðum á Vatnajökli
Siggi Ragnarsson
Sigurður Ragnarsson
Siggi klifrar
Siggi í Chamonix

Þið getið fylgst með Sigga á Instagram @siggiragnars

Siggi hefur meðal annars lagt í leiðangur yfir Vatnajökul þar sem ég og Tómas Eldjárn félagi okkar, vorum með í för.

Hér að neðan má sjá myndskeið  úr Vatnajökulsleiðangri okkar og hefur vissulega sitt skemmtanagildi og segir góða sögu. 

 Ásamt því hafa hann og Tómas farið í leiðangur yfir Sprengisand árið 2017.

Hér má skoða ferðasögu þeirra Sigurðar og Tómasar þegar þeir fóru yfir sprengisand og mæli ég með að skoða hana og þar kemur líka vafalaust eitthvað fram sem getur hjálpað fólki í undirbúning fyrir leiðangra.

Í þessum þætti ræðum við allskonar tips og tricks sem er gott að hafa í huga þegar maður fer í leiðangra sem þessa. Athugið að við erum einungis að tala út frá eigin reynslu og mjög líklegt að fólk sé að gera allskonar öðruvísi en við höfum gert.

Hér að neðan er svo linkur á podcastið, en þið getið einnig hlustað á podcastið á öllum helstu hlaðvarpsveitum.

Apple Podcasts: ýtið hér til að hlusta

Endilega fylgið svo fjallakastinu á facebook og fáið þannig upplýsingar um nýja þætti beint í æð. 

Sjáumst á fjöllum 

Solla Sveinbjörnsdóttir

IG: @localicelander